Շոլցը հայտարարել է Կոսովոյի վերաբերյալ Վուչիչի և Օսմանիի հետ բանակցություններում հաջողության մասին

Կոսովոյի բանակցությունների կողմերը մոտ են անջատված հանրապետությունում հակամարտության կառուցվածքային ու կայուն լուծման շուրջ համաձայնության գալուն, հայտարարել է Գերմանիայի կանցլեր Օլաֆ Շոլցը Կոսովոյի նախագահ Վյոսա Օսմանիի և Սերբիայի նախագահ Ալեքսանդր Վուչիչի հետ Քիշնևում Եվրոպական քաղաքական գագաթնաժողովի շրջանակներում հանդիպելուց հետո, այս մասին գրել է РИА Новости-ն։

«Ֆրանսիայի նախագահն ու ես, ինչպես նաև պարոն Բորելի նման ուրիշները, շատ ենք փորձում, որպեսզի սրված լարվածությունը կրկին թուլացվի: Եվ սա խնդիր է, որի համար մենք հատուկ պատասխանատվություն ենք կրում, քանի որ այժմ մոտ ենք, որ գտնենք շատ կառուցվածքային ու տևական լուծում հակամարտությանը Կոսովոյի և Սերբիայի միջև բանակցվող համաձայնագրերի միջոցով»,- ասել է Շոլցը։

Կանցլերը մանրամասնել է, որ հանդիպմանը ներկա են եղել հակամարտության բոլոր կողմերը, խոսակցությունը եղել է «ինտենսիվ»։