Թուրքական հատուկ ջոկատայինները ժամանել են Կոսովո

Թուրքիան ավարտել է լրացուցիչ ռազմական կոնտինգենտի տեղափոխումը Կոսովո, որտեղ էթնիկ սերբերի մասնակցությամբ փոխհրաձգություններ էին տեղի ունեցել։ Հատուկ նշանակության ջոկատներ տեղակայելու որոշումն ընդունվել է ի պատասխան ՆԱՏՕ-ի դաշնակից ուժերի հրամանատարության (շտաբ-բնակարանը՝ Նապոլի) դիմումի:

Կոսովոյի մայրաքաղաքի օդանավակայանում զինվորականներին դիմավորել է Պրիշտինայում Թուրքիայի դեսպան Սաբրի Թունչ Անգիլին։ Այնուհետ թուրք զինվորականները գնացել են տեղակայման տարածք՝ Կոսովոյի հյուսիսում գտնվող «Սուլթան Մուրատի» զորանոցը։