Սանոսյանն ընդունել է ԱՊՀ էլեկտրաէներգետիկ խորհրդի գործադիր կոմիտեի նախագահին

ՀՀ տարածքային կառավարման և ենթակառուցվածքների նախարար Գնել Սանոսյանն ընդունել է ԱՊՀ էլեկտրաէներգետիկ խորհրդի գործադիր կոմիտեի նախագահ Տառաս Կուպչիկովին։

Նախարար Սանոսյանն ընդգծել է՝ Հայաստանը կարևորում է ԱՊՀ էլեկտրաէնեգետիկական խորհրդի հետ համագործակցությունը։

Նախարարը նկատել է, որ Հայաստանը վերջին շրջանում իրականացնում է էնեգետիկ ենթակառուցվածքների կառուցման, վերակառուցման, վերազինման, արդիականացման աշխատանքներ, մեծ ծավալի աշխատանքներ են իրականացվել ատոմակայանի արդիականացման շուրջ և այդ աշխատանքները շարունակական բնույթ են կրում։

Տառաս Կուպչիկովը կարևորել է նաև աշխատակիցների վերապատրաստման անհրաժեշտությունը։

Հանդիպման ժամանակ անդրադարձ է կատարվել էներգետիկ ոլորտին վերաբերող մի շարք այլ հարցերի։