«Ծառուկյանն ո՞ւմ է կաշառք տվել». Գագիկ Ծառուկյան

ԲՀԿ նախագահ Գագիկ Ծառուկյանն ընտրակաշառք բաժանելու գործով դատաքննության ժամանակ հերքել է իր առնչությունը մեղսագրվող հանցագործությանը։

«Ես ուղղակի ամաչում եմ դատախազի ներկայացրած ապացույցից, որ այսքան քննություն կատարեցին, 120 քննիչ, 2 հազար հոգու քննեցին, տանել-փակելով, եթե հարգելի դատախազը մի օրինակ բերի, որ որևիցե մեկն ասել է՝ Ծառուկյանը իրեն կաշառք է տվել, ապա ես կհամաձայվեմ իր հետ: Բայց ամոթ է, 2 հազար հոգու քննել են, որոշներին ձերբակալել են՝ 1-2 ամսով, բայց որևիցե մեկը ասե՞լ է՝ Ծառուկյանը կաշառք է տվել, ամոթ է»,- ասել է նա դատական նիստին՝ հավելելով,- «Հասկացանք, որ քաղաքական իրավիճակ է եղել, հունիսի 5-ի հետ կապված Ծառուկյանը հայտարարություն է արել, որ այսօր այս օրին ենք ընկել: Ծառուկյանն ո՞ւմ է կաշառք տվել»։

Նիստն ընդմիջվել է։ Ծառուկյանը, սակայն, հրաժարվել է պատասխանել լրագրողների հարցերին։