«Ուկրաինան 2021 թվականի դեկտեմբերին բոլոր 18 տարեկանը լրացած և վակցինացված քաղաքացիների վիրտուալ բանկային հաշվին փոխանցեց 1000 հրիվնա, այն ժամանակվա կուրսով դա մոտ $40 էր և այսօր կկազմի մոտ 15000 ՀՀ դրամ»,- այս մասին գրել է հասարակական գործիչ Արմեն Մարտիրոսյանը։
«Այդ գումարով ուկրաինացիները կարող էին գնել գիրք, դասական համերգի կամ թատերական ներկայացման կամ թանգարանի տոմս։ Արդեն փետրվար ամսին այդ գումարները ծախսվել էին։ Այդ ամբողջ գումարի 35%-ը ծախսվել էր գիրք գնելու վրա։
Այնքան մեծ էր մշակույթը աշխուժացնելու խթանը, որ Ուկրաինան որոշեց այդ գումարը տալ նաև մինչև 18 տարեկաններին։ Պատերազմը խանգարեց։ Այդ երկիրը մոտ 1,5 տարի պատերազմում է, սակայն ուկրաինական մշակույթը այդ խթանի շնորհիվ շարունակում է զարգանալ։ Առաջարկում եմ նման նախագիծ անել Հայաստանում։
ՀՀ կառավարություն, ի՞նչ կարծիք ունեք, չանե՞նք նման բան Հայաստանում»,-հավելել է նա:
