Ամուլսարի շահագործմանը փայլուն եմ վերաբերվում. Խաչատուր Սուքիասյան (տեսանյութ)

Անկախության 28-րդ տարեդարձի առիթով Գյումրիում կազմակերպված տոնակատարությանը մասնակցել է նաեւ գործարար Խաչատուր Սուքիասյանը: Ի թիվս այլ հարցերի Սուքիասյանը խոսեց նաեւ Ամուլսարի հանքի շահագործման մասին:

Ինչպե՞ս եք վերաբերվում այս խնդրին, հարցին, Սուքիասյանը պատասխանեց՝ փայլուն.

«Ես շատ եմ կարդում եւ գիտեմ, որ աշխարհում՝ Կանադայում, Նոր Զելանդիայում, Ավստրալիայում շատ լավ ու հզոր կազմակերպություններ կան, որոնք բնապահպանական բոլոր նորմերը կատարում են, եւ իրենց երկրներին մեծ եկամուտ են բերում: Ես որպես բիզնես հանրության ներկայացուցիչ, ուսումնասիրելով այդ կազմակերպության պատմությունը, հասկացա, որ էն կազմակերպությունը, որը որ մասնավոր է, վերջին անգամ նրան պատվեր են տվել, նա 2 ցանկություն է ունեցել: Կամ էնպես անի, որ հետո Ամուլսարն իրեն հետագայում պատվերներ տա, կամ մեր պետությանը գցի շղթայված ցանկությունների շրջանակ, որ պետությունը ստիպված լինի եւս 2-րդ, 3-րդ պատվերը տա»,-ասաց Սուքիասյանը:

Լրագրողների դիտարկմանը, թե հանքի շահագործումը լուրջ ռիսկեր է առաջ բերում, գործարարը պատասխանեց, որ բնապահպանական խնդիրներն Ամուլսարի պարագայում պետք է թողնել մասնագիտական ինստիտուտներին: