Ղրիմի Ալեքսեևկա գյուղի մոտակայքում զինամթերքի պահեստ է այրվում։ Այս մասին հայտնում է Mash-ը՝ տեսանյութ հրապարակելով դեպքի վայրից:
Տեղի բնակիչները հայտնում են, որ հրդեհից 5 կմ շառավղով անընդհատ պայթյուններ են լսվում։ Նախնական տվյալներով՝ տուժածներ չկան:
Ավելի քան 2 հազար բնակիչ, մոտավորապես մեկ օրով, տարհանվում է հարակից բոլոր շրջանների կրակին ամենամոտ գյուղերից՝ Կրինիչկի, Այվազովսկոյե, Աբրիկոսովկա, Պրիվետնոե։
Բնակիչները կտեղակայվեն Պերվոմայսկի և Կիրովսկի շրջանների դպրոցներում գտնվող ժամանակավոր կացարաններում: Տելեգրամ-ալիքների տվյալներով՝ Կիրովսկի շրջանի պոլիգոնում այրվում է զինամթերքի պահեստ։ Այս տեղեկատվության պաշտոնական հաստատում դեռևս չկա։
Ղրիմի ղեկավար Սերգեյ Ակսենովը հայտնել է, որ քննչական մարմինները կպարզեն Կիրովսկի շրջանի պոլիգոնում բռնկված հրդեհի պատճառները, տուժածներ չկան։
