Շիրակի մարզի Ախուրյան համայնքի ավագանու արտահերթ նիստում ավագանու անդամների 15 կողմ, 1 դեմ, 1 ձեռնպահ ձայներով համայնքի ղեկավար է ընտրվել «Քաղաքացիական պայմանագիր» խմբակցության առաջադրած թեկնածու Զավեն Մանուկյանը։
Ախուրյան համայնքի 27 ավագանու անդամներից նիստին ներկա են եղել 17-ը:
«Շնորհակալ եմ «Քաղաքացիական պայմանագիր» խմբակցությանը իմ թեկնածությունն առաջադրելու և ընտրելու համար, շնորհակալ եմ նաև ավագանու բոլոր անդամներին և ներկաներին:
Վստահեցնում եմ, որ ես և իմ թիմը պատրաստ ենք լուծելու Ախուրյան համայնքի խնդիրներն ու կանգնել յուրաքանչյուր բնակչի կողքին»,-ասել է նորընտիր համայնքապետը:
