Տաթև Հովակիմյանը ավագանու թեկնածու է

Թատրոնի և կինոյի դերասանուհի Տաթև Հովակիմյանը երեկ մասնակցում էր իշխող «Քաղաքացիական պայմանագիր» կուսակցության նախաձեռնող խմբի նիստին:

Երեկվա նիստում ներկայացվել է Երևանի ավագանու սպասվող ընտրություններում կուսակցության ընտրական ցուցակը, քննարկվել՝ ընտրություններին առնչվող կազմակերպչական բնույթի հարցեր։

«Հայկական ժամանակ»-ի՝ դերասանուհուն ուղղված հարցին, թե իր՝ այդ նիստին մասնակցելը խոսո՞ւմ է ՔՊ-ի ցուցակով ավագանու ընտրություններին մասնակցելու մասին, Տաթև Հովակիմյանը դրական պատասխան տվեց, նշեց, որ «Քաղաքացիական պայմանագրից» ստացել է ավագանու ցուցակում ընդգրկվելու առաջարկ և համաձայնել:

«Գտնում եմ՝ այդ կերպ հնարավորություն կունենամ իմ ներդրումը ունենալ քաղաքի մշակութային կյանքի զարգացմանը, քանի որ Երևանի քաղաքապետարանի ենթակայության տակ կան բազմաթիվ մշակութային կազմակերպություններ»-նշել է դերասանուհին:

Ամբողջական նյութին կարող եք ծանոթանալ անցնելով հղումով՝ armtimes.com