Ադրբեջանին տրամադրվող ռազմական աջակցությունը կարող է հանգեցնել նոր քաղաքական մարտահրավերների

ԱՄՆ-ն կողմից Ադրբեջանին տրամադվող ռազմական աջակցությունը կարող է խնդիրներ ստեղծեմ ԱՄՆ-ի համար: Նման եզրահանգման է եկել ԱՄՆ կառավարության հաշվետվողականության գրասենյակն իր հրապարակած զեկույցում:

Գրասենյակի նոր զեկույցը նախազգուշացնում է Ադրբեջանին տրամադրվող ռազմական օգնության մասին, որը խախտում է Հայաստանի և Ադրբեջանի միջև ռազմական հավասարակշռությունը՝ «հանգեցնելով քաղաքական և դիվանագիտական մարտահրավերների»:

Զեկույցի «Անհամապատասխանություն ԱՄՆ այլ նպատակների հետ» ենթաբաժնում նշվում է, որ «պետական ռազմաքաղաքական ոլորտի պաշտոնյաներն ասում են, որ իրենք տեսել են նախագիծ և դրա ֆինանսավորման առաջարկներ, որոնք չեն համապատասխանում ԱՄՆ այլ նպատակներին: Օրինակ, նրանք նշել են, որ Ադրբեջանում Բաժին 333-ի նախագիծը ակնհայտ անհավասարակշռություն է ստեղծել Ադրբեջանին և Հայաստանին տրամադրվող օգնության չափերի միջև, ինչը հանգեցրել է քաղաքական և դիվանագիտական մարտահրավերների»:

ԱՄՆ Պաշտպանության դեպարտամենտի կողմից մշակված Բաժին 333-ի ծրագրերի նպատակն է գործընկեր երկրների անվտանգության հնրավորությունները մեծացնելուն և անվտանգության ոլորտում բարձր համագործակցությունը:

Սակայն, ԱՄՆ կառավարության հաշվետվողականության գրասենյակի զեկույցում ընդգծվում է, որ պետական պաշտոնյաների սահմանափակ ներգրավվածությունը այդ բաժնի նախագծերի պլանավորման գործընթացում կարող է հանգեցնել մի շարք բացասական արդյունքների:

Նման արդյուքները ներառում են Պաշտպանության դեպարտամենտի և պետության կողմից այնպիսի օգնության տրամադրում, որը կրկնապատկում է կամ համընկնում է մյուս տրամադրված օգնությունների հետ, ինչն իր հերթին կարող է անհամատեղելի լինել ԱՄՆ-ի նպատակների հետ կամ էլ հանգեցնել այնպիսի միջոցների տրամադրմանը որոնց կարիքը գործընկեր երկրները չունեն կամ չեն կարող կիրառել:

Թիվ 1