«Ապրելու երկիր» կուսակցության Երևանի ավագանու ընտրացուցակը գլխավորող Մանե Թանդիլյանը ֆեյսբուքի իր էջում գրել է. «Երևանի գրեթե բոլոր հրապարակները պարզապես փողոցներ են մեքենաների երթևեկության համար։
Երևանում բացակայում են քայլելու հրապարակները, ինչպիսիք կան եվրոպական գրեթե բոլոր քաղաքներում։
Մենք նախատեսում ենք Ֆրանսիայի հրապարակը վերածել երևանցիների ամենասիրելի վայրի, որը կկապի Հյուսիսային պողոտան, Օպերան Կասկադին հենց Ֆրանսիայի հրապարակի միջոցով։
Իսկ երթևեկությունը կկազմակերպվի թունելների միջոցով։
Սա մեր հերթական մեգանախագծերից մեկն է, որը Երևանը դարձնելու եվրոպական մակարդակի մայրաքաղաք»։
