Վրաստանի իշխող կուսակցությունը երկրի նախագահ Սալոմե Զուրաբիշվիլիի՝ Եվրոպա մեկնելու պատճառով իմպիչմենտի գործընթաց է սկսել։ Ուղևորությունները կապված են Վրաստանին ԵՄ անդամակցության թեկնածուի կարգավիճակ տրամադրելու բանակցությունների հետ։
«Նախագահի խախտումներին արձագանքելու միակ արդյունավետ իրավական մեխանիզմը իմպիչմենտն է»,- հայտարարել է Վրաստանի իշխող «Վրացական երազանք» կուսակցության պառլամենտական խմբակցության ղեկավար Իրակլի Կոբախիձե։
Ըստ Կոբախիձեի՝ իմպիչմենտի ընթացակարգը պահանջում է առնվազն 50 պատգամավորի ստորագրություն, որից հետո հարցը կուղարկվի Վրաստանի սահմանադրական դատարան։ Եթե դատարանը հաստատի նախագահի կողմից խախտումները, խորհրդարանը պետք է երկու շաբաթվա ընթացքում քվեարկի իմպիչմենտի օգտին, ինչն ընդունելու համար անհրաժեշտ է 100 ձայն։ Քվեարկությունը տեղի կունենա հոկտեմբերի կեսերին։
