«Լուսավոր Հայաստան» կուսակցության քաղաքապետի թեկնածու Դավիթ Խաժակյանը Դավթաշենի կամուրջի խցանման հարցը լուծելու նպատակով առաջարկում է Վաղարշ Վաղարշյան-Կոմիտաս խաչմերուկի վրա կառուցել թունելային հանգույց։
Ըստ նրա՝ այդ թունելը հնարավորություն կտա բեռնաթափելու Վաղարշյան փողոցի ծանրաբեռնվածությունը, ինչի արդյունքում կամուրջի վրա այլևս խցանումներ չեն լինի։
Միևնույն ժամանակ նա պնդում է, որ Քոչար-Վաղարշյան խաչմերուկում թունելի կառուցմամբ հավելյալ խնդիր չի ստեղծի, քանի որ Դավթաշենից եկող ոչ ամբողջ հոսքն է գնում դեպի Քոչար։
Առաջարկի մասին քաղաքապետի թեկնածուն հանդես է եկել տեսանյութով, որը հրապարակել է նրա յութուբյան ալիքում։
Մանրամասները՝ տեսանյութում։
