Կարող են ընտրել նաև օտարերկրացիները, եթե ունեն տվյալ համայնքի առնվազն մեկ տարվա հաշվառում․ ԿԸՀ։

Ի պատասխան տարբեր հարցադրումների՝ ԿԸՀ-ից հիշեցնում են․

Ընտրական օրենսգիրք սահմանադրական օրենքի համաձայն` ընտրելու իրավունք ունեն նաև օտարերկրացիները, եթե առնվազն մեկ տարի հաշվառված են տվյալ համայնքում։

Օտարերկրյա քաղաքացիների համար անձը հաստատող փատաթուղթ են համարվում

• ՀՀ-ում օրինական բնակությունը հավաստող ժամանակավոր կացության քարտը

• մշտական կացության քարտը

• ՀՀ հատուկ անձնագիրը:

ՌԴ քաղաքացիների համար անձը հաստատող փատաթուղթ են համարվում նաև

• ՌԴ քաղաքացիությունը հավաստող անձնագիրը՝ Երևան համայնքի պետական ռեգիստրում հաշվառման վերաբերյալ նշումով։

Քաղաքացիությունը չունեցող անձանց համար՝

• ՀՀ-ում մշտապես բնակվող քաղաքացիություն չունեցող անձի կացության վկայականը

• ժամանակավոր կացության քարտը

• ՀՀ հատուկ անձնագիրը:

Փախստական ճանաչված անձանց համար՝

• Կոնվենցիոն ճամփորդական փաստաթուղթը։

Օտարերկրյա քաղաքացիների մասին տեղեկատվությունը վարում է Ներքին գործերի նախարարության Միգրացիայի և քաղաքացիության ծառայությունը։