Ադրբեջանի արտգործնախարար Ջեյհուն Բայրամովը հարցազրույց է տվել «AzerTac» գործակալությանը, որտեղ անդրադարձել է Լեռնային Ղարաբաղի հիմնախնդրին, բանակցային գործընթացին և Ադրբեջանի դիրքորոշումներին։
«Ադրբեջանը կշարունակի աշխատել այս ուղղությամբ, բայց ունի պլան «Բ»։
Նախագիծը կիրականացվի նույնիսկ առանց Հայաստանի մասնակցության, բայց այս դեպքում Հայաստանը ուղղակի դուրս կմնա շահառուների ցանկից», – նշել է Բայրամովը։
«Հաղորդակցությունների բացումը տարածաշրջանում շատ կարևոր է, քանի որ տրանսպորտային կապերը, առևտուրը և այլն, ոչ միայն օգուտներ և շահույթ են բերում կողմերին, այլև անշրջելի են դարձնում խաղաղության գործընթացը տարածաշրջանում, քանի որ դրանք սերտորեն կապում են երկրները:
Միևնույն ժամանակ, աշխարհաքաղաքական գործընթացները, որոնք տեղի են ունենում ոչ միայն մեր տարածաշրջանում, այլև դրանից դուրս, մեզ թելադրում են Արևելքն ու Արևմուտքը կապող նոր տրանսպորտային ուղիներ բացելու անհրաժեշտությունը, հատկապես, եթե հաշվի առնենք Ուկրաինայի պատերազմը», – ասել է Բայրամովը։
