ՊԵԿ նախագահ Ռուստամ Բադասյանն անդրադարձել է ռուսական Wildberries օնլայն առևտրային հարթակի շուրջ աղմուկին։
Նա նշեց, թե ՊԵԿ-ն օրենսդրական նախաձեռնությամբ է հանդես եկել, համաձայն որի՝ ԵԱՏՄ-ում գործում է էլեկտրոնային առևտրի մասով գործի ոչ թե ռեզիդենտության, այլ սպառման երկրի կանոնը.
«Դա նշանակում է, որ եթե Wildberries-ը հայաստանյան սպառողին ապրանք մատակարարելիս ԱԱՀ չէր վճարում, այս տարվանից սկսած վճարում է»։
Ըստ նրա, սա արվել է այդ ընկերությանը հավասար դաշտ բերելու նպատակով։Նա նշել է, թե ՊԵԿ-ը հետևել է, որ այդ ընկերությունը որևէ առումով չունենա որևէ առավելություն. «Տարվա սկզբից վերլուծական աշխատանքներ ենք տարել, և 3.2 մլրդ դրամի վերականգնում է տեղի ունեցել վերջերս»։
Ինչ վերաբերում է մաքսային արժեքին, ըստ Բադասյանի, կան հստակ կանոններ. «Ներկայացվում են համապատասխան փաստաթղթերը, որոնց համաձայն էլ մաքսազերծումը կատարվում է»։
Նա նշեց, որ թե խոշոր, թե միջին բիզնեսի դեպքում մաքսազերծումը կատարվում է միևնույն կերպ, ինչն էլ սահմանված է ԵԱՏՄ օրենսդրությամբ։
Բադասյանը նաև ընդգծել է, որ հագուստը կիլոգրամով մաքսազերծման թեմային. «Տարիներ շարունակ մեր համակարգը եղել է դեֆորմացված։ Երբ ասում եք կիլոգրամով, դա արտացոլում է դեֆորմացիան։
Կիլոգրամով չի մաքսազերծումը։ Երբ այդ գները եղել են, հազարավոր մրցակցային պայմաններ են խախտվել, տարբեր տնտեսվարողներ շուկայից դուրս են մնացել, որ օրինապահ վարքագիծ են դրսևորել։ Մարդիկ պետք է հասկանան, որ կիլոգրամով չի մաքսազերծումը, այլ իրենց ներկայացրած փաստաթղթերի հիման վրա»։
