ԱԺ պատգամավոր Վահագն Ալեքսանյանը գրել է.
Երեկ տեղադրել էի սքրինշոթեր ՔՊ-ի նկատմամբ տարվող հակաքարոզչության, և այլ ուժերին սատարող ֆեյսբուքյան էջերի գովազդներով ու արտահայտել զարմանքս, թե ինչպե՞ս կարող էին փաստերի ստուգման հարթակները չնկատել այդ էջերը և տպագրել այդքան միակողմանի հոդվածներ։
Այսօր ՔՊ-ի դեմ հակաքարոզչական գովազդների շարքին եմ ավելացնում ևս մեկը՝ Փաստերի ստուգման հարթակի կողմից։ Այս կատարյալ միակողմանի և հատվածական կուրության հետևանք հանդիսացող հոդվածը ոչ միայն կա, գոյություն ունի, այլև գովազդվում է։ Այն էլ այնպես է գովազդվում, որ մոտավոր լսարանը գերազանցում է 1 միլիոնը։ Այսինքն մեկ միլիոն մարդ, այս հոդվածի գովազդի շնորհից կարդալու է բացարձակ միակողմանի և ՔՊ-ի հակաքարոզչություն համարվող նյութ։
Պնդում եմ և պնդելու եմ՝ ՖԻՊ-ը պարտավոր է ուսումնասիրել ՔՊ-ի դեմ հակաքարոզչություն իրականացնող և այլ ուժերին սատարող ՖԲ էջերը, տպել նույնաբովանդակ հոդված և առնվազն նույն չափի գովազդ տեղադրել Ֆեյսբուքում։
