Հայաստանում Ռուսաստանի դեսպանատնից հայտնում են, որ Ռուսաստանի կառավարության կողմից առաջիկայում մարդասիրական ծրագրերի իրագործման համար Հայաստանին մոտ 20 միլիոն դոլար անհատույց հատկացնելու մասին որոշում կընդունվի։
ՄԱԿ Համաշխարհային պարենային ծրագրի հիմնադրամի միջոցով կայուն դպրոցական սննդի համակարգ ստեղծելու համար մինչև 18 մլն դոլար կհատկացվի։ Այս նախաձեռնության շրջանակում 2016-2019թթ. ընթացքում հատկացվել է ավելի քան 20 մլն դոլար։
Եվս մոտ 2.8 միլիոն դոլար կտրամադրվի ՄԱԿ-ի Զարգացման ծրագրին` ուղղված Գեղարքունիքի և Վայոց ձորի սահմանամերձ մարզերում ներառական տնտեսական զարգացման աջակցությանը:
