Հայաստանի ԱԳՆ-ն ցավակցություն է հայտնել Մարոկկոյի ավերիչ երկրաշարժի ժամանակ զոհվածների ընտանիքներին, իսկ տուժածներին մաղթել շուտափույթ ապաքինում։
«Ցնցված ենք ավերիչ երկրաշարժից, որը հարվածել է Մարոկկոյի հարավային հատվածին և խլել բազմաթիվ կյանքեր։ Մեր խորին ցավակցությունները զոհերի ընտանիքներին, իսկ վիրավորներին՝ շուտափույթ ապաքինում»,- գրված է ՀՀ ԱԳՆ-ի թվիթերի էջում:
Մարոկկոյում տեղի ունեցած ավերիչ երկրաշարժի զոհերի թիվը անցել է 1037-ը։ Հռոմի պապը, Ջո Բայդենը, Սի Ծինպինը, Ռիշի Սունակը և համաշխարհային այլ առաջնորդներ ցավակցել են ու առաջարկել իրենց օգնությունը։
