«Ինքնիշխան Հայաստան» կուսակցության ղեկավար Դավիթ Սանասարյանը գրել է.
«Առանց խուճապի
Ռուսաստանում բնակվող հարազատներիցս տեղեկացա, որ Ռուսաստանում սկսում են հայերի նկատմամբ ճնշումները. տեղեկություններ են տարածում, որ զանգվածային բնույթ է կրելու հայերին դեպի պատերազմի ճակատ ուղարկելը, գործարարների համար խոչընդոտներ են ստեղծվելու և այլն։
Ֆենոմենալ երևույթ է. աշխարհի բոլոր անկյուններում, որտեղ հայերի ներկայությունը մեծ է, այդ պետության և/կամ քաղաքական ուժերի քաղաքականությունը հայերի ու Հայաստանի նկատմամբ սիրտ շահող է։
Երևի միայն Ռուսաստանում ու արբանյակ պետություններում է, որ հակառակն է։
Կոչս է՝ լքե՛լ Ռուսաստանը հնարավորինս շուտ։ Հայրենիքում ապրելն ու արարելը լավագույն այլընտրանքն է։ Դուք թնդանոթի միս դառնալու արժանի չե՛ք, դուք հայրենիքի նկատմամբ որպես զենք կիրառելու ենթակա չե՛ք։
Մի փոքր քիչ վաստակեք, բայց մի՛ եղեք երկրորդ սորտի ժողովուրդ։
Հայրենիքը ձե՛զ է սպասում, եկե՛ք զրկենք կրեմլին Հայաստանի նկատմամբ լծակներից մեկից, եկե՛ք միասին պետություն դառնանք»։
