Մարոկկոյում երկրաշարժի զոհերի թիվը հասել է 2 681-ի, հաղորդում է Al Arabiya հեռուստաալիքը, փոխանցում է ТАСС գործակալությունը։
Տուժել է առնվազն 2 501 մարդ։ Փրկարարներն արդեն ավելի քան 48 ժամ աշխատում են փլատակներից ողջ մնացածների գտնելու համար։
Հիշեցնենք՝ Եվրոպական-միջերկրածովյան սեյսմոլոգիական կենտրոնը (EMSC) հայտնել էր, որ սեպտեմբերի 9-ին` Երևանի ժամանակով 02։11-ին, 6,9 մագնիտուդ ուժգնությամբ երկրաշարժ է տեղի ունեցել Մարոկկոյում՝ Մարաքեշից 80 կմ հեռավորության վրա:
Մարոկկոյի ազգային երկրաֆիզիկական ինստիտուտի տվյալներով՝ երկրաշարժի ուժգնությունը կազմել է 7 բալ:
