Սաուդյան Արաբիայի մայրաքաղաք Էր Ռիյադում անցկացվող ծանրամարտի աշխարհի առաջնությունում Հայաստանի ներկայացուցիչ Անդրանիկ Կարապետյանը պոկում վարժությունից հետո առաջինն է 89 կգ քաշայինների պայքարում:

Այդ մասին հայտնեց NEWS.am SPORT-ը։

Աշխարհի բրոնզե մեդալակիր, Եվրոպայի չեմպիոն, Եվրոպայի ռեկորդակիր, 27-ամյա Անդրանիկ Կարապետյանը պոկում վարժությունում պայքարը սկսեց 170 կգ-ից, բայց առաջին մոտեցումն անհաջող ստացվեց: Երկրորդ փորձով Կարապետյանը վստահությամբ պոկեց 170կգ-ոց ծանրաձողը: Երրորդ մոտեցման համար Հայաստանի հավաքականի մարզիչը պատվիրեց 175 կգ, որը եւս Կարապետյանը հաջողությամբ բարձրացրեց եւ նվաճեց այս վարժության փոքր ոսկե մեդալը:

Այս քաշային կարգի ֆավորիտներից իտալացի Անտոնինո Պիցոլատոն պոկում վարժությունում զրո ստացավ եւ լքեց պայքարը»: