ՌԴ ԱԳՆ խոսնակ Մարիա Զախարովան անդրադարձել է Աղդամ-Ասկերան ճանապարհով ռուսական մարդասիրական բեռնատարի անցմանը, Լաչինի միջանցքի շրջափակմանն ու Բաքու-Ստեփանակերտ հնարավոր բանակցություններին։
Զախարովան, մասնավորապես, հայտարարել է. «Ռուսաստանը քայլեր է ձեռնարկում Լեռնային Ղարաբաղում ստեղծված բարդ հումանիտար իրավիճակի կարգավորման համար։
Ռուսաստանն ակնկալում է, որ Ղարաբաղում հումանիտար իրավիճակը կկայունանա, և պայմաններ կստեղծվեն Բաքվի ու Ստեփանակերտի միջև երկխոսություն սկսելու համար։
Ռուսաստանն ակնկալում է, որ մոտ ապագայում Աղդամի երթուղուն զուգահեռ կապաշրջափակվի նաև Լաչինի միջանցքը։ Ռուսաստանն ակնկալում է, որ երկու ուղղություններով էլ կանոնավոր կերպով մարդասիրական օգնություն կհասնի Ղարաբաղ»։
