Մոլդովայի իշխանությունները արտաքսել են «Sputnik Մոլդովա» լրատվամիջոցի ղեկավար Վիտալի Դենիսովին։ Այս մասին ասվում է «Sputnik Moldova»–ի Telegram ալիքի հաղորդագրության մեջ։
«Մոլդովայի միգրացիոն ծառայության աշխատակիցները Վիտալի Դենիսովին նստեցրել են մեքենան և 10 տարի մուտքի արգելքով արտաքսման հրամանով նրան տարել օդանավակայան՝ թույլ չտալով իրերը հավաքել և հետը տանել ընտանի կենդանիներին»,- ասվում է հրապարակումների մեջ։ Նշվել է նաև, որ դեպքի մասին տեղեկացվել է Մոլդովայում ՌԴ դեսպան Օլեգ Վասնեցովը։
