Հայաստանի առողջապահության նախարար Անահիտ Ավանեսյանն ԱԺ-ում անդրադարձել է Գավառի պոլիկլինիկայի վերանորոգման խնդրին։
Նա նշել է, որ վերջին այցի ժամանակ եկել են այն համոզման, որ պոլիկլինիկայի հատվածը պետք է վերանորոգվի, և պացիենտները պետք է պատշաճ պայմաններում սպասարկվեն։
«Ծրագիրը մեկնարկել է ոչ միայն Գավառի պոլիկլինիկայի համար, 9 այլ պոլիկլինիկաների վերակառուցման, վերանորոգման և վերազինման աշխատանքների մրցութային փաթեթները պատրաստ են»,- ասել է նա՝ հավելելով, որ այս տարի, երբ նախագծերը պատրաստ լինեն, կանցնեն շինարարական աշխատանքներին։
