Հայաստանի վարչապետ Նիկոլ Փաշինյանը հայտարարել է, թե Հայաստանի և Ռուսաստանի հարաբերություններում կողմնորոշվում է ռուսաստանցի գործընկերոջ հայտարարություններով. «Ես ուշադիր հետևում եմ ՌԴ նախագահի հայտարարություններին, ով ասաց, որ թե՛ Հայաստանի հետ հարաբերություններում, թե՛ ինձ հետ հարաբերություններում խնդիրներ չկան»։
Նա նշել է, որ Լաչինի միջանցքի փակման օրվանից 7-8 հեռախոսազրույց է ունեցել Վլադիմիր Պուտինի հետ. «Մյուս գործընկերների հետ կամ որևէ խոսակցություն չեմ ունեցել, կամ ավելի քիչ խոսակցություն եմ ունեցել։ Այնպես որ, այստեղ չեմ կարծում, թե խնդիր կա»։
Նա նշել է, որ այս ընթացքում Պուտինի հետ հանդիպել են, նաև գրավոր է տեղեկություններ փոխանցել. «Էլ չեմ ասում՝ ԼՂ-ում ՌԴ խաղաղապահ զորախումբ կա»։
Նա անդրադարձել է վագներականներ փնտրելու շուրջ ԱԱԾ գործողություններին, նշել, որ իրավապահները պարտավոր են արձագանքել մամուլի հրապարակումներին. «Դա քրեական դատավարության նորմ է»։
Վարչապետը հարցին, թե մտավախություն չունի՞, որ ՌԴ-ն ՀՀ-ում հեղափոխություն կարող է անել, ասել է. «Հայաստանում հեղափոխութուն կարող է անել ժողովուրդը, և ժողովուրդն այդ հեղափոխութունն արել է»։