«Բանակում չկա կին, բանակում չկա տղամարդ։ Բանակում կա զինվոր կամ զինվորական»,- կառավարության նիստում ընդգծել է Հայաստանի վարչապետ Նիկոլ Փաշինյանը։
Նրա խոսքով՝ պետք է այս տրամաբանությունը դրվի ու այդպես պիտի առաջ շարժվել, որպեսզի հնարավոր լինի ձևը բովանդակության վերածել. «Մենք ամենայն լրջությամբ ենք վերաբերվում այս խնդրի լուծմանը»,- ասել է նա։
Նշենք, որ այսօր քննարկվել է կանանց պարտադիր-կամավոր զորակոչի խնդիրը։ Առաջին զորակոչը կհայտարարվի 2024թ. հունվարից։
Պաշտպանության նախարար Սուրեն Պապիկյանն էլ մանրամասնել է, որ պատրաստ են հունվարին ընդունել առաջին զորակոչը, բայց դպրոցներում որոշ աշխատանք է պետք տանել. «Հիմնական ակնկալիքը լինելու է ամառային զորակոչից»։
