Ուկրաինայի և ԱՄՆ նախագահներ Վլադիմիր Զելենսկին և Ջո Բայդենը Սպիտակ տանը կհանդիպեն հաջորդ շաբաթ։ Այդ մասին հայտնել է AP-ն՝ վկայակոչելով ԱՄՆ վարչակազմի անանուն պաշտոնյային։ Պաշտոնյայի խոսքով՝ հանդիպումը նախատեսված է սեպտեմբերի 21-ին՝ Նյու Յորքում, ՄԱԿ-ի գլխավոր ասամբլեայի նիստից հետո։
Բացի այդ, ԱՄՆ այցի ընթացքում Ուկրաինայի նախագահը կայցելի Կոնգրես։ Զելենսկին նախատեսում է մասնակցել ՄԱԿ-ի գլխավոր ասամբլեայի նիստին։