ԿԸՀ-ն ամփոփել է Երևանի ավագանու ընտրությունների 37 տեղամասերի արդյունքները: Այս տեղամասերում ընտրության մասնակիցների ընդհանուր թիվը 15 149 է:
Համաձայն ԿԸՀ-ի տվյալների՝ առաջատարը «Քաղաքացիական պայմանագիր»-ն է 5,198 ձայնով կամ ընտրողների 34,67 տոկոսով:
Երկրորդ տեղում «Ազգային առաջընթաց» կուսակցությունն է 2,728 ձայնով կամ ընտրողների 18,19 տոկոսով:
2,102 ձայնով կամ ընտրողների 14,02 տոկոսով այս պահին երրորդ տեղում է «Մայր Հայաստան» դաշինքը:
37 ընտրատեղամասերի ամփոփված արդյունքներով չորրորդ տեղում «Հանրապետություն» կուսակցությունը 1,698 ձայնով կամ ընտրողների 11,32 տոկոսով:
Հնգյակը եզրափակում է «Հանրային ձայն» կուսակցությունը 1,576 ձայնով կամ ընտրողների 10,51 տոկոսով:
Մյուս կուսակցությունները դեռևս չեն հաղթահարել նվազագույն շեմը։
