ԱՄՆ պետքարտուղար Էնթոնի Բլինքնեը ողջունել է նախօրեն Լաչինի միջանքով ու Աղդամով Կարմիր խաչի միջազգային կոմիտեի կողմից Արցախ հումանիտար բեռների մատակարարումը։
«Մենք ողջունում ենք այսօրվա մարդասիրական ապրանքների միաժամանակյա առաքումը Լաչինի միջանցքով և Աղդամի ճանապարհով դեպի Լեռնային Ղարաբաղ, մի մոտեցում, որը նախագահ Ալիևը և ես վերջերս քննարկել ենք (հավանաբար նկատի ունի սեպտեմբերի 1-ին տեղի ունեցած հեռախոսազրույցը)։
Այս կրիտիկական անհրաժեշտ մատակարարումները կարևոր քայլ են առաջ, և մենք խրախուսում ենք կողմերին ուղղակի բանակցություններ վարել և կենտրոնանալ տարածաշրջանի բնակչությանը մարդասիրական մատակարարումների հոսքն ավելացնելու ճանապարհների վրա», -ասվում է Բլինքենի հայտարարության մեջ։
Պետքարտուղարը նաև նշում է, որ ԱՄՆ-ն հավատարիմ է մնում Հայաստանի և Ադրբեջանի միջև երկարամյա խնդիրների լուծմանն ու արժանապատիվ և կայուն խաղաղությանն հասնելու ջանքերին աջակցելուն։
