Ադրբեջանական լրատվամիջոցները հայտնում են, որ Բաքուն փակել է Ադրբեջանի օդային տարածքը Հայաստանի համար։

«Ղարաբաղում սահմանադրական կարգը վերականգնելու նպատակով հակաահաբեկչական գործողության մեկնարկից հետո Ադրբեջանը փակել է իր օդային տարածքը Հայաստանի համար»,- գրում են ադրբեջանական աղբյուրները։

Հիշեցնենք, որ այսօր Ադրբեջանի ԶՈՒ ստորաբաժանումները սկսել են հարվածներ հասցնել Ստեփանակերտին՝ սա հիմնավորելով «Ղարաբաղում սահմանադրական կարգը վերականգնելու» մտադրությամբ։

Ադրբեջանի ՊՆ-ն հայտնել է նաև, որ ընթացող գործողությունների մասին տեղեկացրել է ռուս խաղաղապահների հրամանատարությանը և ռուս-թուրքական մոնիթորինգի կենտրոնի ղեկավարությանը։