ԵՊՀ դոցենտ, իրավաբանական գիտությունների թեկնածու Տարոն Սիմոնյանը գրել է.
Հերթական անգամ փաստերը մեզ հուշում ու ապացուցում են, որ մեր իրավունքների, մեր երեխաների, մեր անցյալի, մեր ապագայի և մեր արժանապատվության պաշտպանը միմիայն մենք ենք։ Էթնիկ զտումների, ցեղասպանության և ագրեսիայի հերթական հանցագործության թիրախ լինելով՝ մեր թշնամու քաղաքականությունն ու երազանքն արմատախիլ անելու միակ ճանապարհը մեր ներուժի համախմբումն է։
Անկախ քաղաքական ու գաղափարական պատկանելության՝ բոլոր հայերի բոլոր տեսակի ուժերի (մտավորից մինչև ֆիզիկական) համախմբումն է ու արդյունավետ օգտագործումը։ Արցախցին հնազանդվող ու արժանապատվությունը զիջող չէ, չկասկածե՛ք։
Մնում է ընդհանրապես մեր մեջից հանենք ոչ հայերի կողմից որևէ օգնության ակնկալիքը։ Եվ մենք կհաջողենք։
Մեր քաղաքակրթական առաքելության բեռը մենք միայնակ պետք է տանենք։ Դա է մեր մարտահրավերը։ Եվ դա մենք կհաղթահարենք ․․․ Վստա՛հ եղեք․․․
