ԱԺ պատգամավոր Արման Բաբաջանյանը ֆեյսբուքյան իր էջում գրել է․

Եթե Հայաստանը Ադրբեջանի ներքին գործերին չմիջամտելու պատճառաբանությամբ և Ռուսաստանի ճնշմամբ հրաժարվում է օրակարգ բերել արցախահայության տարհանման հարցը նշանակում է, որ Հայաստանը հրաժարվում է Եվրոպական դատարանում և և Արդարադատության միջազգային դատարանում ընդդեմ Ադրբեջանի Հայաստանի կողմից ներկայացված պահանջներից։

Սա ծուղակ է, մեծ ծուղակ։ Մենք հազարավոր, դատարանի կողմից հիմնավոր ճանաչված, ապացույցներ ենք տարել միջազգային դատարան՝ առ այն, որ Ադրբեջանը ամենաբարձր մակարդակով սիստեմատիկորեն ատելության և թշնամանքի հողի վրա է կառուցել հայերի հանդեպ քաղաքականությունը, հիմա հրաժարվելով արցախահայերին տեղահանելու հարցում նախանձախնդիր և առաջնահերթ դերակատարումից, ամբողջությամբ կասկածի տակ ենք դնում հարուցված իրավական գործընթացներում Հայաստանի բերած փաստարկները՝ ուղղակիորեն լեգիտիմացնելով ընդդեմ Հայաստանի մինչ օրս Բաքվի փաստարկները։

Արցախահայերի տեղահանության հարցը Հայաստանի կառավարության օրակարգ պետք է բերել, որպեսզի Երևանը լեգիտիմ իրավունք ստանա նախ անհապաղ ընդդեմ Բաքվի կողմից Արցախի լայնամասշտաբ հարձակման հետևանքով ստեղծված իրավիճակի առնչությամբ անհապաղ իրավական քայլեր հարուցել, և միջազգային դատարանին Արցախում ստեղծված աղետալի վիճակը գնահատել, որպես Հայաստանի կողմից բերված անհերքելի ապացույց՝ ՄԻ եվրոպական և Արդարադատության միջազգային դատարաններից ակնկալելով գործուն որոշումներ։