Կառավարությունը հաստատեց 2024թ. պետբյուջեի նախագիծը. այն կներկայացվի ԱԺ։
Ֆինանսների նախարար Վահե Հովհաննիսյանի խոսքով՝ բյուջեն հաստատվում է մի իրավիճակում, երբ տասնյակ հազարավոր տեղահանվածներ կան, որոնց պետք է ապահովել առաջնային հոգատարությամբ և արժանապատիվ կեցությամբ․
«Այս պահին չունենալով հստակ պատկերացում Հայաստան տեղափոխվել ցանկացողների թվի մասին՝ մենք բյուջեում սահմանել ենք առանձին տող ԼՂ-ից բռնագաղթված անձանց վերաբերյալ, որտեղ նախնական նախատեսել ենք 10 մլրդ դրամ։
Դրա մեծությունը բյուջեի քննարկման հետագա փուլերում, ըստ անհրաժեշտության, կավելացնենք»,- ասել է նա։
