Ժամը 20։00-ի դրությամբ ԼՂ-ից բռնի տեղահանված 98․625 անձ արդեն Հայաստանում է։ Հակարիի կամուրջը հատել է 20․892 տրանսպորտային միջոց։ Հաշվառում է անցել 74․382 անձ։ Պետությունը կեցավայրով ապահովել է 27․396 անձի։
ՀՀ կառավարության և Երևանի քաղաքապետարանի տրամադրած 46 ավտոբուսները ետադարձ ուղղությամբ մեկնել են Ստեփանակերտ և արդեն հատել են Հակարիի կամուրջը։ Մինչ այդ ավտոբուսները Գորիս էին տեղափոխել 1560 մարդու։
Հայաստանյան ԲԿ-ներում այս պահին բուժում է ստանում 405 բուժառու։ Նրանցից 337-ը վերջին ռազմական գործողությունների ու պայթյունի հետևանքով տուժած քաղաքացիներ են։
10 երեխա գտնվում է վերակենդանացման բաժանմունքում, 5-ի վիճակը ծանր է, 1-ինը՝ ծայրահեղ ծանր։
