ՌԴ ԱԳՆ-ից հայտնում են, որ շարունակվում է Լեռնային Ղարաբաղի հայ բնակչությանը մարդասիրական աջակցության ուղղությամբ ռուսական հետևողական ջանքերը․
«Օգնություն է տրամադրվում նրանց, ովքեր կամավոր լքել են տարածաշրջանը, ինչպես նաև այն բնակիչներին, ովքեր որոշել են մնալ:
Սեպտեմբերի 20-ին Ղարաբաղում ռուսական խաղաղապահ զորակազմի միջնորդությամբ ձեռք բերված հրադադարից հետո մեր խաղաղապահները ղարաբաղցիներին հասցրին մոտ 200 տոննա մարդասիրական բեռ և վառելիքաքսուքային միջոցներ, կազմակերպեցին սեպտեմբերի 25-ին բենզալցակայանում տեղի ունեցած պայթյունի հետևանքով հարյուրավոր տուժածների բժշկական տարհանումը, ուղեկցեցին ղարաբաղցիների շարասյուները, որոնք որոշել էին մեկնել Հայաստան: Ռուս բժիշկները շարունակում են աշխատել տարածաշրջանում
Ղարաբաղահայությանը օգնություն է ցուցաբերվում տարբեր խողովակներով և Հայաստանի տարածքում, այդ թվում՝ ռուսական ընկերությունների կողմից, հասարակական ակտիվիստների և հայրենակիցների գծով:
Հաշվի առնելով հոկտեմբերի 2-ին ՀՀ ԱԳՆ-ում տեղի ունեցած ճեպազրույցում հնչած մարդասիրական կարիքները՝ որոշում ենք մարդասիրական օգնության ծավալն ու անվանացանկը։ Նման աշխատանքը հիմնականում ուղղված է առաջնահերթ կարիքների բավարարմանը։
Երևանում «Ռոսսոտրուդնիչեստվո»–ի ներկայացուցչությունը հատուկ շտաբ է ստեղծել ջանքերը համակարգելու համար: Միայն վերջին մի քանի օրվա ընթացքում աշխատակիցներն ավելի քան 3 տոննա մարդասիրական բեռ են հասցրել Գորիս և 1,5 տոննա՝ Կապան։ ՌԴ ԱԳՆ-ի՝ Սյունիքում գլխավոր հյուպատոսություն բացելու առաջատար խմբի ռուս դիվանագետները տեղական վարչակազմի հետ շփման մեջ աշխատում են սահմանային գոտում»,- հայտնում են ՌԴ ԱԳՆ-ից։
