Եթե ես իմանամ, որ իմ հրաժարականով և հեռացումով բոլոր մարտահրավերները կհասցեագրվեն, ես կանեմ հաջորդ վայրկյանին, որովհետև, ի հեճուկս ձեզ, ես աթոռից կախված չեմ և երբեք չեմ եղել:
Այդ մասին ԱԺ-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ արձագանքելով «Հայաստան» խմբակցության պատգամավոր Մհեր Սահակյանի հարցին:
«Իմ բոլոր վերլուծությունները ցույց են տալիս, որ դա անելու դեպքում տեղի կունենա լրիվ հակառակը, և այս է պատճառը նաև, որ դա տեղի չի ունենում»,- նշեց վարչապետը:
«Դուք այդ սցենարը փորձեցիք ԼՂ-ում և իրագործեցիք, ի՞նչ եղավ, դրանից ավելի լա՞վ եղավ:
Իհարկե, Հայաստանում չեք կարող իրագործել, բայց ես ուզում եմ այս վիճակից հետևություններ անենք: Եթե ուզում եք և կարող եք մասնակցել այս մարտահրավերների հաղթահարմանը, ոչ մեկը ձեզ չի կարող արգելել և ոչ մեկը չի կարող մերժել»,- ասաց Նիկոլ Փաշինյանը:
