Հռոմի Ֆրանցիսկոս Պապը մեկնարկել է կաթոլիկ եպիսկոպոսների սինոդի գլխավոր ասամբլեայի աշխատանքը, որին մասնակցում է 464 պատվիրակ, այդ թվում՝ աշխարհիկ ներկայացուցիչներ։ Նրանց թվում են սինոդի 365 անդամ, այդ թվում՝ 54 կանայք։
Ինչպես նշել է Avvenire թերթը, նախկինում թույլատրվում էր աշխարհիկ անձանց՝ ինչպես տղամարդկանց, այնպես էլ կանանց մասնակցությունը, սակայն առաջին անգամ նրանք կմասնակցեն քվեարկությանը, երբ որոշումներ կայացվեն։Համագումարի պատվիրակների համար ունեցած իր քարոզում Պապը նշել է, որ չեն կարող առաջնորդվել քաղաքական հաշվարկներով և իդեոլոգիական պայքարի խնդիրներով․
«Մենք այստեղ խորհրդարանական քննարկումներ չենք անում և չենք առաջարկում բարեփոխումների ծրագիր: Մենք հավաքվել ենք՝ հետևելու Քրիստոսի տեսլականին», – ասել է Ֆրանցիսկոսը:
