Պենտագոնն ուշադրությամբ հետևում է Իսրայելում տեղի ունեցող իրադարձություններին, որը ենթարկվել է պաղեստինյան ՀԱՄԱՍ խմբավորման հարձակմանը:
Այս մասին ասվում է ԱՄՆ պաշտպանության նախարար Լլոյդ Օսթինի հայտարարության մեջ, որը հրապարակվել է Պենտագոնի պաշտոնական կայքում։ Նրա խոսքով՝ Վաշինգտոնի հավատարմությունը Իսրայելի ինքնապաշտպանության իրավունքին «մնում է անսասան»:
«Ես ցավակցություն եմ հայտնում նրանց ընտանիքներին, ովքեր զոհվել են քաղաքացիական անձանց վրա այս նողկալի հարձակման հետևանքով։ Առաջիկա օրերին պաշտպանության նախարարությունը կաշխատի, որպեսզի Իսրայելն ունենա այն ամենը, ինչ անհրաժեշտ է ինքնապաշտպանության և քաղաքացիական բնակչությանը անխնա բռնությունից և ահաբեկչությունից պաշտպանելու համար», – ասվում է Օսթինի հայտարարության մեջ։
Times Of Israel պարբերականը հայտնել է, որ ԱՄՆ նախագահ Ջո Բայդենը Իսրայելի վարչապետի հետ միասին զրույց կունենան առաջիկա ժամերին:
