Հայաստանը պատրաստ է հանդիպում անցկացնել «3+3» ձևաչափով։ Այս մասին Հանրային հեռուստաընկերության եթերում հայտարարել է ՀՀ վարչապետ Նիկոլ Փաշինյանը։
«Ժամանակին ձեռք է բերվել պայմանավորվածություն, որ «3+3» ձևաչափով հաջորդ հանդիպումը տեղի կունենա Թեհրանում»,- ասել է վարչապետը։
Անդրադառնալով ռուս խաղաղապահների՝ ԼՂ-ից հեռանալուց հետո Հայաստան տեղափոխման հնարավորության մասին՝ Փաշինյանը պատասխանել է․ «Նրանք Լեռնային Ղարաբաղում ՌԴ զորախումբն են, եթե նրանք ԼՂ-ից դուրս են գալիս, ուրեմն պետք է գնան Ռուսաստան»։
Նիկոլ Փաշինյանը հարցազրույցի ժամանակ նաև արձանագրել է, որ Գրանադայի հանդիպումից հետո ԵՄ-ում Հայաստանի հետ հարաբերությունների խորացման առումով կա կոնսենսուս։
