Ռուսաստանի և Ադրբեջանի էներգետիկ համագործակցությունը կարող է թափ ստանալ և զարգացման նոր մակարդակի հասնել նավթային ոլորտում:
Այս շաբաթ ՌԴ-ն առաջարկել է ավելացնել Տիխորեցկ-Բաքու նավթամուղի թողունակությունը և դրանով փոխադարձ մատակարարումները՝ տարեկան մինչև 4 մլն տոննա նավթ:
«Այս նախագիծը երկար պատմություն ունի. նախկինում քննարկվում էր այն հարցը, որ Ռուսաստանն իր նավթն ավելի շատ կմատակարարի Ադրբեջանի նավթավերամշակման գործարանին, իսկ Ադրբեջանը նույն ծավալները կփոխանցի ռուսական ընկերություններին՝ Բաքու-Թբիլիսի-Ջեյհան նավթամուղի վերջնակետում»,- ասել է ՌԴ ազգային էներգետիկ անվտանգության հիմնադրամի առաջատար վերլուծաբան Իգոր Յուշկովը։
