Ադրբեջանի նախագահ Իլհամ Ալիևը Ստեփանակերտից հանդես է եկել կոչով։
«Ոմանք ինձ հարցնում էին, թե ինչո՞ւ նոյեմբերի 10-ին պայմանավորվեցինք դադարեցնել պատերազմը: Այսօր, այստեղ կանգնած, ուզում եմ ասել, որ մենք ամեն ինչ արել ենք և անում ենք ժամանակին։
Ադրբեջանական ժողովուրդը լավ գիտի, և ես վստահ եմ, որ համաշխարհային հանրությունը նույնպես լավ գիտի, որ մենք ցանկանում էինք հայ-ադրբեջանական, Լեռնային Ղարաբաղի հակամարտությունը լուծել խաղաղ ճանապարհով։ Տասնյոթ տարիների ընթացքում ես անձամբ մասնակցել եմ բազմաթիվ անիմաստ ու անպտուղ բանակցությունների։ Ինչո՞ւ։ Որովհետև ես կարծում էի, որ այս հարցը պետք է լուծվի խաղաղ ճանապարհով։ Բայց հետզհետե հույսերը մարեցին։ Եվս մեկ անգամ վերլուծելով Հայաստանի քաղաքականությունը՝ այսօր լիովին վստահ կարող եմ ասել, որ նրանք մեզ ոչ մի թիզ հող չէին պատրաստվում վերադարձնել»,- ասել է Ալիևը։
