ՀՀ Էկոնոմիկայի նախարար Վահան Քերոբյանն ընդունել է ԱՄՆ Միջազգային Զարգացման գործակալության (USAID) հայաստանյան առաքելության տնօրեն Ջոն Ալելոյի գլխավորած պատվիրակությանը:

Հանդիպմանը ներկա է եղել նաև նախարարի տեղակալ Արման Խոջոյանը։

Հանդիպման սկզբում նախարարը շնորհակալություն է հայտնել հյուրերին արդյունավետ համագործակցության համար և հույս հայտնել, որ գործակալության կողմից Հայաստանում իրականացվող ծրագրերը կշարունակեն նպաստել մեր երկրի տնտեսական կայունության բարձրացմանը։

Նախարարը ներկայացրել է Լեռնային Ղարաբաղից բռնի տեղահանվածների հետ Էկոնոմիկայի նախարարության ներկայացուցիչների հանդիպումների արդյունքները, հնչեցրել հիմնական բարձրացված թեմաներն ու առաջարկվող հնարավոր լուծումները:

Առանձին անդրադարձ է կատարվել գործարար միջավայրի բարելավմանն ու Հայաստան բիզնեսը տեղափոխվող գործարարների համար ինտեգրացիոն բարենպաստ պայմանների ապահովմանը։

Պատվիրակության անդամները պատրաստակամություն են հայտնել աջակցել բռնի տեղահանվածների ՀՀ ինտեգրացիային վերաբերող ծրագրերի իրականացման գործում:

Քննարկվել են նաև երկկողմ համագործակցությանը վերաբերող այլ հարցեր: