Բաքվում շարունակվում է Վագիֆ Խաչատրյանի գործով դատավարությունը, դատախազը հրապարակել է մեղադրական եզրակացության եզրափակիչ մասը։ Այս մասին հայտնում է APA-լրատվական գործակալությունը։
Խաչատրյանը նիստի ժամանակ հայտարարել է փաստաբան Նաթիգ Բեյբալաևի ծառայություններից հրաժարվելու մասին, նոր պաշտպան է նշանակվել Ռադմիլա Ադիլովան:
Բաքվում շարունակվող ապօրինի դատավարության ժամանակ Լաչինի միջանցքից առևանգված Վագիֆ Խաչատրյանն իրեն մեղավոր չի ճանաչել առաջադրված մեղադրանքների մասով։
Նա հայտարարել է, որ չի մասնակցել ադրբեջանցիների դեմ հանցագործություններին. «Այնտեղ ապրող ադրբեջանցիները մտերիմ էին ինձ հետ, ես բոլորին ճանաչում էի։ Մարտերի ժամանակ ես ոչ մի գործողության չեմ մասնակցել»։
Նշենք, որ Խաչատրյանի դեմ հարուցված կեղծ քրեական գործի դատավարության ժամանակ նրա փաստաբանը միջնորդել է ազատել իրեն հանձնառությունից՝ պատճառաբանելով, թե շաքային դիաբետով է տառապում և արտերկում բուժման կարիք ունի։
Խաչատրյանը չի առարկել այդ միջնորդությանը, ինչից հետո դատավորը նոր փաստաբան է նշանակել Ռադմիլա Աբդուլովային։