ԿԳՄՍ նախարար Ժաննա Անդրեասյանն ԱԺ-ում հայտարարել է, որ փաստացի, կամավոր ատեստավորված ուսուցիչները, որոնք նաև տարակարգ ունեն, ավելի բարձր վարձատվություն են ստանում, քան դպրոցի տնօրենը։
Նրա խոսքով, մոտիվացիոն համաչափության պահպանման տեսանկյունից հնարավոր է համակարգի խախտում առաջ գա։
Ըստ Անդրեասյանի, այդ պատճառով ներդրվել է նաև տնօրենների ատեստավորման կարգ, նաև հավելավճարի տրամադրումը ներառելով՝ տնօրենի աշխատավարձերում բարեփոխումներ են իրականացվել։
Նախարարը հիշեցրել է, որ 2023-ի սեպտեմբերից դպրոցների ֆինանասավորման նոր կարգ է մտել ուժի մեջ.
«Տնօրենների աշխատավարձը միջինում բարձրացել է 111 000 դրամով։ Աշխատավարձը պայմանավորված է դպրոցի չափով, մեծ դպրոցներում ունենք տնօրենների՝ ընդհուպ 475․000-ից 495․000 դրամի հասնող աշխատավարձներ»։
