«Այսօր ես միայն մեկ ծրագիր ունեմ․ երկիրը մինչև տարեվերջ ստանա ԵՄ թեկնածուի կարգավիճակ»,- հայտարարել է Վրաստանի նախագահ Սալոմե Զուրաբիշվիլին խորհրդարանում, որտեղ քննարկվում է նրա իմպիչմենտը։ Ինչպես նշել է Զուրաբիշվիլին, ոչինչ չի կարող իրեն ետ պահել այդ նպատակին հասնելու ճանապարհից․
«Վրաց ժողովուրդն իր ընտրությունը վաղուց է արել և դրա համար մեծ գին է վճարել։ Նա դեռ հավատարիմ է այս ընտրությանը և ամեն անգամ ապացուցում ու պաշտպանում է իր եվրոպական լինելը։ Թող ոչ ոք չհավատա, որ ինչ-որ մեկը այս մարդկանց կառաջնորդի դեպի Ռուսաստան և կստիպի հրաժարվել վրացիների անվիճելի ապագայից»,- ասել է Զուրաբիշվիլին։
