ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը հայտարարել է, թե Հայաստանը ներկայումս չի դիտարկում ԵԱՏՄ-ից և ՀԱՊԿ-ից դուրս գալու հնարավորությունը․
«Այս պահին մենք չենք քննարկում այդ հարցը»,– ասել է նա։
Միաժամանակ, ըստ Խանդանյանի, Հայաստանի արտաքին վեկտորի փոփոխության հարց չկա. «Որովհետև վեկտորն ուղղված է դեպի Հայաստան, նրա անկախության եւ ինքնիշխանության ապահովում»,– պարզաբանել է պատգամավորը:
«Արտաքին կողմնորոշումը այնպիսի արտաքին քաղաքականության իրականացումն է, որը կապահովի Հայաստանի անկախությունը, ինքնիշխանությունն ու անվտանգությունը»,-մանրամասնել է նա:
