Թուրքիայի նախագահ Ռեջեփ Թայիփ Էրդողանը հայտարարել է, որ ՄԱԿ-ի Անվտանգության խորհուրդը հերթական անգամ չի կատարել իր պարտականությունները։ Ինչպես հայտնում է ՏԱՍՍ-ը, այս մասին Էրդողանը նշել է Թելեգրամում կատարած իր գրառման մեջ։
«ՄԱԿ-ի բոլորովին անարդյունավետ Անվտանգության խորհուրդը ևս մեկ անգամ չկարողացավ կատարել իր պարտականությունը:
Խաղաղություն ապահովելու մեր ջանքերը խափանվեցին այնպիսի քայլերով, ինչպիսիք են ավիակիրներ ուղարկելը տարածաշրջան, Պաղեստինի ժողովրդին օգնությունը դադարեցնելը և Գազայի բնակչության զանգվածային պատիժը», – գրել է նա։
