Հայաստանը հիմա արժանի է մեր համերաշխությանը և աջակցությանը։ Այդ մասին թվիթերյան գրառում է արել Գերմանիայի Բունդեսթագի արտաքին հարաբերությունների մշտական հանձնաժողովի նախագահ Միխայել Ռոթը․
«Ադրբեջանը չպետք է կրկին ուժ կիրառի իր շահերն առաջ տանելու համար։ Մեզ պետք է խաղաղություն և կայունություն Հարավային Կովկասում»,- նշել է նա։
Հիշեցնենք՝ ՀՀ ԱԺ պատվիրակությունը այս օրերին գտնվում է Գերմանիայում, որտեղ, ի թիվս այլ պաշտոնայների, հանդիպում է ունեցել նաև Միխայել Ռոթի հետ։
