Հինգշաբթի՝ հոկտեմբերի 19-ի երեկոյան, անօդաչու սարքերը հարձակվել են Իրաքի արևմուտքում գտնվող Այն ալ-Ասադ ավիաբազայի վրա, որտեղ տեղակայված են ամերիկյան զորքերը․ գրում է Reuters-ը։ Անօդաչուները խոցվել են հրթիռներով, բազայի շրջակայքը շրջափակվել է, և որոնողական աշխատանքներ են իրականացվում․ հայտնել են իրաքցի զինվորականները:
Զոհերի և նյութական վնասների մասին տեղեկություններ չեն հաղորդվում։ Իրաքի ոստիկանության տվյալներով՝ հրթիռակոծության է ենթարկվել նաև Բաղդադի մերձակայքում գտնվող մեկ այլ ամերիկյան ռազմաբազա։
